2,766 sekunt — Polşanyň Gdansk şäherinde geçirilen Gdansk Speedcubing League ýaryşynda dokuz ýaşly Teodor Zaýdere Rubigiň kubigini tiz ýygnamak boýunça täze dünýä rekordyny goýmak üçin bary-ýogy şujagaz wagt gerek boldy.
Mundan ozalky rekord hytaýly spidkuber Sýuanýi Genge degişlidi. Ol 2025-nji ýylyň ýazynda Şenýan şäherinde kubugyň ähli reňklerini bary-ýogy 3,05 sekuntda bir ýere jemlemegi başarypdy. Indi bolsa bu sepgit yzda galdy.
Rubigiň kubigini tizlik bilen ýygnamak — spidkubing diýlip atlandyrylýan aýratyn ugurdyr. Professional türgenler Bütindünýä kubik assosiasiýasynyň (WCA) agzalary bolup, bu gurama düzgünleri belleýär, rekordlary ykrar edýär we halkara ýaryşlaryny geçirýär. Polşada bu ugur bilen Polşanyň spidkubing assosiasiýasy meşgullanýar.
Öňde duran ýumuş diňe sözde ýönekeý görünýär: nusgawy 3×3×3 ölçegdäki kubigiň her gapdalyny bir reňkli bolar ýaly edip ýygnamaly. Iş ýüzünde bolsa, bu adamzat reaksiýasynyň iň ýokary çägindäki bäsleşikdir.
9 ýaşly polşaly oglanjyk Rubigiň kubigini 2 sekuntda ýygnady
- şu gün 16:02
- 1.6k+
