Niderlandlaryň konsort şa zenany Maksima 54 ýaşynda harby taýýarlykdan geçip başlady we ýurduň ýaragly güýçleriniň ätiýaçlykdaky düzümine ýazyldy. Asly Argentinaly bolan şa zenany harby okuwlary tamamlanyndan soň, ätiýaçlykdaky harby gullukçylaryň wezipelerini ýerine ýetirip biler.
Niderlandlarda ätiýaçlykdaky düzüm dürli ugurlar boýunça işe çekilýär. Köp halatlarda olar wekilçilikleri wezipeleri ýerine ýetirip, tebigy betbagtçylyklaryň netijelerini aradan aýyrmaga kömek edýär, kiberhowpsuzlygy üpjün etmäge, şeýle hem harby hereketler bolan ýagdaýynda yzygiderli goşunlara goldaw bermäge gatnaşýar.
Şa maşgalasy monarhyň aýalynyň howpsuzlyga öz-özünden bolýan zat hökmünde garamaýandygyny we ýurduň gorag ukybyny berkitmäge şahsy goşandyny goşmagy möhüm hasaplaýandygyny belleýär.
Goranmak ministrligi Maksimany
Şol bir wagtyň özünde, ministrlik bu ädimiň köp babatda simwolik häsiýete eýedigini nygtaýar. Bu çäre hökümetiň ýaragly güýçleriň sanyny bir ýarym esse — 120 müň adama çenli köpeltmek baradaky meýilnamalarynyň esasynda raýatlaryň harby gulluga bolan gyzyklanmasyny artdyrmaga gönükdirilendir.
Geçen ýyl şa zenany Maksimanyň gyzy — tagtyň mirasdüşer şa gyzy Katarina-Amaliýa hem şular ýaly harby taýýarlykdan geçipdi.
Niderlandlaryň konsort şa zenany Maksima 54 ýaşynda harby gulluga gitdi
- şu gün 15:19
- 1.1k+
