Amsterdam etiň mahabatyny, şeýle hem gazylyp alynýan ýangyjy ulanmak bilen amal edilýän harytlaryň we hyzmatlaryň mahabatyny gadagan eden dünýäde ilkinji paýtagt şäher boldy diýip, Bi-bi-si ýazýar.
1-nji maýdan başlap, şäheriň jemgyýetçilik ýerlerinde, şol sanda mahabat tagtalarynda, jemgyýetçilik ulaglarynda we ýol çatryklarynda şeýle mahabatlar gadagan edildi. Bu çäre şahsy dükanlara, çap we sanly habar beriş serişdelerine degişli däldir.
Degişli gadaganlyk ýanwar aýynda şäher geňeşi tarapyndan 17 sese garşy 27 ses bilen kabul edildi. Indi jemgyýetçilik ulaglarynyň duralgalarynda, metrolarda we wokzallarda çalt fastfudyň, benzinli awtoulaglaryň, uçarlaryň şekil-suratlarynyň deregine muzeýler, konsertler, sergiler we şuňa meňzeş zatlar mahabatlandyrylar. Häzirki wagtda şäherdäki ähli mahabatlaryň arasynda uglewodorod serişdeleri bilen baglanyşykly hyzmatlaryň we önümleriň paýy 4%-e, etiň we et önümleriniň paýy bolsa 0,1%-e barabar.
Belläp geçsek, mundan birnäçe ýyl ozal Londonda geçirilen barlaglar 2019-njy ýylda jemgyýetçilik ulaglarynda jank-fuduň mahabatynyň gadagan edilmeginiň şäherde şeýle önümleriň sarp edilişiniň hepdede 10%-20% azalmagyna sebäp bolandygyny görkezdi.
