Ýakynda peýda bolan RentAHuman.ai hyzmaty internetde kän jedel döretdi. Ol emeli aň agentlerine neýroulgamlaryň ýerine ýetirip bilmeýän meselelerini çözmek üçin adamlary işe almaga mümkinçilik berýär.
2-nji fewralda işe başlan bu meýdança algoritmleriň eýeleri bilen iş gözleýjileriň arasynda baglaýjy halka bolup hyzmat edýär.
Işläp düzüjiniň berýän maglumatlaryna görä, saýtda ilkinji 48 sagadyň dowamynda 17 sany EA agenti we 10 müňden gowrak ulanyjy hasaba alyndy. Iş gözleýjiler öz ýerleşýän ýerlerini we sagatlaýyn almak isleýän töleglerini görkezýärler. Hödürlenýän işleriň sanawynda sanly hem-de fiziki işler bar. Meselem, emeli aň bir akkaunta ýazylanyň üçin 1 dollar, San-Fransiskoda bir bukjany eýesine gowşuryp bereniň üçin 40 dollar, köpçülikleýin ýerde plakat göterip duranyň üçin bolsa 100 dollar hödürleýär.
Köp sanly bilermenler welin bu täzelige şübheli garaýarlar. Olaryň çaklamasyndan çen tutsaň, bu taslama marketing mahabatyna çalym edýär. Üstesine şeýle başlangyçlar EA eýelerine maliýe ýitgi hem getirip biler. Ýaňy-ýakynda öz eýesiniň biržadaky serişdelerini ulanyp, oňa uly zyýan çekdiren Clawdbot-ly waka-da muňa anyk mysal bolup bilerdi.
Şeýle-de, bu ssenariýanyň ösmegi, ahyrsoňy antiutopik fantastik filmlerde duýdurylyşy ýaly, neýroulgamlaryň adamyň gözegçiliginden çykmagy bilen bagly ýakymsyz netijelere-de getirip biler.
Emeli aň adamlary işe alyp başlady: munuň nämesi erbet?..
- şu gün 10:36
- 949
