Google resmi taýdan Pixel 10a smartfonyny tanyşdyrdy we deslapky sargytlaryň 2026-njy ýylyň 18-nji fewralynda başlanjakdygyny yglan etdi. Enjamyň maslahat berilýän bahasy 499 dollar derejesinde galar.
Täze önümiň esasy artykmaçlyklarynyň biri hem ýedi ýyl dowam etjek programma üpjünçilik täzelemesi bolar.
Pixel 10a ekranynyň diagonaly 6,3 dýuým we täzelenme ýygylygy 120 Gs bolan AMOLED displeýli ykjam smartfondur. Operatiw ýady (RAM) 8 GB, içerki ýady bolsa 128 GB bolar. Smartfonyň öndürijiligine Tensor G4 prosessory jogap berýär, 5100 mAs göwrümli akkumulýator bolsa enjamyň uzak wagtlap işlemegini üpjün eder. Ölçegleri boýunça Pixel 10a Galaxy S25 bilen deňeşdirerlik derejededir, emma akkumulýatorynyň göwrümi hatda Galaxy S25 Ultra-dan hem uludyr.
Esasy kamerasy 48 Mp durulygynda, ultra giň burçly linzaly moduly bolsa 13 megapikselli datçik bilen enjamlaşdyrylandyr. Öňdäki (selfi) kamerasy hem 13 Mp bolar.
