Samsung kompaniýasy Groove, Glow we Closer atly gysga wideolaryň tapgyryny neşir etdi. Resmi taýdan bu diňe tehnologiýalaryň görkezilişi bolsa-da, iş ýüzünde bu Galaxy-nyň geljekki neslinde ulanyjylara nämeleriň garaşýandygyna gytaklaýyn yşaratdyr. Kompaniýa gijeki wideo düşürişdäki kämilleşdirmeleri, ösen zumy we emeli aňyň mümkinçiliklerini görkezýär.
Ähli wideolarda süýri blokda ýerleşen üç modully kamera görünýär. Şeýle dizaýn eýýäm Galaxy S26 we S26 Plus modelleriniň syzyp çykan suratlarynda hem peýda bolupdy. Galaxy S26 seriýasynyň resmi tanyşdyrylyşyna takmynan üç hepde galandygyny hasaba alanyňda, bu meňzeşlik gaty takyk görünýär. Samsung zatlary öz ady bilen tutman, gyzyklanmany artdyrmagy makul bilen bolara meňzeýär.
Şol bir wagtyň özünde, geljekki täze önümleriň bahalary barada täze maglumatlar peýda boldy. Fransiýanyň söwda ulgamlaryndan syzyp çykan maglumatlara görä, täze flagmanlaryň bahalary şeýle bolar:
- Galaxy S26 (256 GB) — 1000 ýewrodan;
- Galaxy S26+ (256 GB) — 1270 ýewrodan;
- Galaxy S26 Ultra (256 GB) — 1470 ýewrodan.
Şol maglumatlara görä, Galaxy S26 Ultra-nyň iň ýokary wersiýasy 1970 ýewra düşer.
Ähli seriýanyň resmi tanyşdyrylyşyna 25-nji fewralda garaşylýar.
