Aptivi neşiri Samsung kompaniýasynyň täze Galaxy Buds 4 we Galaxy Buds 4 Pro simsiz gulaklyklarynyň tehniki görkezijilerini hem-de bahasyny mälim etdi.
Maglumatlar Galaxy Buds programmasynyň iň täze nusgasynyň içki faýllaryny seljermek arkaly alyndy.
Garaşylýan bahalar:
- Galaxy Buds 4 (esasy wersiýasy) - 179 ýewro,
- Galaxy Buds 4 Pro (flagman nusga) - 249 ýewro.
Enjamlaryň içki kod atlary «Handel» we «Bach» diýlip bellenilen. Pro modeli ak, gara we şetdaly reňklerinde, adaty nusgasy bolsa diňe ak we gara reňklerde satuwa çykarylar.
Täze gulaklyklaryň ikisi hem 360 derejeli ses ýazyş ulgamyna we daşarky sesi süzýän uýgunlaşdyryjy funksiýa eýe bolupdyr. Pro nusgasynda goşmaça hökmünde aýratyn programmalar üçin ses sazlamalary, terjimeçi hyzmatyny işe girizmek, daşky gaby arkaly smartfony tapmak ýaly mümkinçilikler bolar.
Galaxy Buds 4 modeliniň akkumulýatorynyň göwrümi 42 mAs bolar, bu bolsa öňki modelden birneme pesdir. Galaxy Buds 4 Pro nusgasynyň batareýasy bolsa 57 mAs çenli ulalar.
Täze gulaklyklaryň 2026-njy ýylyň fewral aýynyň ahyrynda satuwa çykarylmagyna garaşylýar.
