1-nji fewralda Awstraliýanyň Sidneý şäherinde Garyşyk söweş sungaty boýunça UFC 325 ýaryşy geçirildi. Esasy tutluşykda ýarym ýeňil agramda UFC-niň çempiony Aleksandr Wolkanowski reýtingde ikinji orunda durýan Diýego Lopesa garşy öz titulyny gorady.
Söweş bäş raundlap dowam etdi. Eminler biragyzdan ýeňşi asly makedon bolan awstraliýaly söweşijä berdiler.
Iki söweşijiniň arasyndaky ilkinji duşuşyk 2025-nji ýylyň aprelinde Maýamide geçirilen UFC 314 turnirinde bolupdy we ol hem Wolkanowskiniň utuklar boýunça gazanan ýeňşi bilen tamamlanypdy.
Indi 37 ýaşly Wolkanowskiniň hasabynda 15 ýeňiş we üç ýeňliş bar. 31 ýaşly braziliýaly Lopes bolsa UFC-de alty ýeňiş gazanyp, üç gezek ýeňildi.
Turniriň ikinji esasy duşuşygynda fransiýaly söweşiji Benua Sen-Deni täze zelandiýaly Den Hukeri tehniki nokaut bilen ýeňdi. Söweş ikinji raundyň ahyrynda emin tarapyndan saklandy. 35 ýaşly Den Hukeriñ hasabynda 24 ýeňiş (18-si wagtyndan öň) we 14 ýeňliş bar. 29 ýaşly Benua Sen-Denide bolsa, 17 ýeňiş (ählisi wagtyndan öň), 3 ýeňliş we 1 sany geçirilmedik diýlip hasap edilen söweş.
