Kondisionerler barha akyllanýar: LG-iň täze modelleriniň şemaly adama görä «öwüsýär»

LG Electronics kompaniýasy Koreýanyň bazaryna kondisionerleriň täze LG Whisen Objet Collection Tower 1 we View 1 Pro modellerini çykardy. Enjamlar«AI Cold Free» tehnologiýasy bilen üpjün edilensoň, olar sowuk howany otagdaky adamlaryň üstüne gönümel üflemän, eýsem jaýy giňişleýin sowatmagy başarýar.
Enjamlaryň başlangyç bahasy 4,82 million wona (takmynan 3 355 dollara) barabar.
Çyglylyk bilen göreşmek üçin temperaturany peseldýän adaty ulgamlardan tapawutlylykda, täze modeller howany goşmaça işläp taýýarlamak üçin gurnalan ýylylyk çalşygy ulanýarlar. Bu bolsa bellenilen temperatura düzgünini saklamak we oňaýly gurşaw döretmek bilen, otagyň çyglylygyny kadaly ýagdaýda saklamaga şert döredýär.
Bu seriýanyň intellektual mümkinçilikleri «AI airflow» funksiýasy arkaly has-da giňeldildi. Radar datçigi adamlaryň duran ýerini we otagyň gurluşyny «gözden geçirip», howa akymynyň ugruny şoňa görä sazlaýar. Otag boş wagty ulgam awtomatik ýagdaýda energiýany tygşytlaýyş tertibine geçýär.
Mundan başga-da, ulanyjynyň dynç alýan we uklaýan wagtyndaky ýagdaýyna uýgunlaşýan hem-de galmagalyň derejesini iň pes derejä düşürýän «AI sleep» funksiýasy hem göz öňünde tutulypdyr. Mundan ötri, enjamyň işleýşini dilden hem dolandyryp bolýar – ol aýdylýan tabşyryklara düşünýär.