AVC seljeriş kompaniýasynyň maglumatlaryna görä, 2025-nji ýylda Hytaýda 27,63 million sany reňkli telewizor satyldy. Bu görkeziji 2024-nji ýyl bilen deňeşdirilende 10,4% az bolup, soňky on ýylyň dowamyndaky iň pes netijedir.
Hytaýda satuwyň iň ýokary derejesi 2016-njy ýylda hasaba alnyp, şonda bazar 50 million sany telewizora ýetipdi. Şondan bäri satuwyň yzygiderli peselýändigine üns berilýär. Şeýlelikde 2021-nji ýylda satuw mukdary 40 milliondan aşak düşdi.
2025-nji ýylyň birinji ýarymynda bazarda 1,8%-lik ujypsyz ösüş bellense-de, ikinji ýarym ýyllykda bary-ýogy 13,88 million telewizor satyldy. Bu bolsa geçen ýylyň degişli döwründen 20% azdyr. Netijede, ýyllyk satuw täze iň pes derejä ýetdi.
Bu dowamly peselişiň esasy sebäbi — islegiň gaýtalanmajaz derejede azalmagydyr.
Mobil enjamlar, smartfonlar we planşetler ulanyjylaryň wagtynyň ep-esli bölegini alýar, şol sebäpli köpler telewizoryň öý tehnikasy hökmünde zerurlygyna-da şübhelenip başladylar.
AVC ýakyn geljekde ýagdaýyň gowulanmagyna garaşmaýar. 2026-njy ýylda Hytaýda reňkli telewizorlaryň umumy bölekleýin satuw mukdarynyň 27,06 million sanawa deň boljakdygy çak edilýär. Ýöne bu-da 2025-nji ýylyň görkezijisinden 2,1% azdyr.
Hemmäň ünsi smartfonda: Hytaýda telewizorlaryň satuwy soňky 10 ýylyň iň pes derejesine düşdi
- düýn 22:23
- 833
