Madridiň «Real» toparynyň hüjümçisi Kilian Mbappe UEFA Çempionlar ligasynyň umumy/toparlaýyn tapgyrynda iň köp gol geçirmek boýunça rekordy täzeledi.
Fransiýaly hüjümçi Çempionlar ligasynyň umumy tapgyrynyň 8-nji turunda «Benfika» toparyna garşy geçirilen oýunda dubl etdi. Şeýlelikde fransiýaly oýunçy umumy tapgyrda geçiren gollarynyň sanyny 13-e ýetirmegi başardy, emma muňa garamazdan, duşuşyk «Realyň» 2:4 hasabyndaky ýeňilişi bilen tamamlandy.
Mundan ozal rekordyň eýesi 2015/2016-njy ýyllar möwsüminde 11 gol uran Kriştian Ronaldudy.
Şol bir wagtyň özünde ýaryşyň beýleki duşuşygynda «Barselona» toparynyň hüjümçisi Robert Lewandowski Çempionlar ligasynda Lionel Messiniň rekordyny gaýtalady. Katalonlaryň topary Daniýanyň «Kopengagen» toparyny 4:1 hasabynda ýeňlişe sezewar etdi. Gollaryň birini Lewandowski öz adyna ýazdyrdy. «FC Barcelona News» neşiriniň maglumatyna görä, «Kopengagen» polşaly hüjümçiniň ÇL-de gol geçiren 40-njy topary boldy. Bu görkeziji boýunça ol meşhur argentin futbolçysy bilen deňleşdi.
Mbappe ÇL-de Ronaldunyň rekordyny täzeledi, Lewandowski Messiniň üstünligini gaýtalady
- 29.01.2026 09:44
- 8.7k+
