BTS toparynyň täze «Arirang» albomy Spotify Countdown Charts Global çartynda birinji orny eýeledi. Bu reýting ulanyjylaryň haýsy geljekki aýdym-saz ýygyndylaryny özleriniň "deslapky garaşmalaryna" has köp goşýandygyny görkezýär.
The Chosun Daily neşiriniň habar bermegine görä, «Arirang» bäş gün yzygiderli sanawyň başyny çekip, Bruno Mars we Charli XCX ýaly dünýä ýyldyzlarynyň albomlaryndan öňe geçdi. Deslapky saklama funksiýasy açylandan soň, bary-ýogy dört günüň içinde 2 milliondan gowrak ulanyjy bu albomy öz sanawyna goşdy.
Spotify-iň taryhynda iň köp deslapky saklama (takmynan 6 million) Teýlor Swiftiň 2025-nji ýylyň 3-nji oktýabrynda çykan «The Life of a Showgirl» atly 12-nji albomyna degişlidir.
«Arirang» albomynyň relizi 2026-njy ýylyň 20-nji martyna meýilleşdirilýär.
Bu BTS toparynyň soňky dört ýylda çykarjak ilkinji doly düzümdäki albomy bolar. Ýatladyp geçsek, 2022-nji ýylyň iýun aýynda çykan «Proof» albomyndan soň, toparyň agzalary harby gullugy sebäpli bilelikdäki işlerini wagtlaýynça togtadyp, şahsy taslamalaryna üns beripdiler.
Täze albom çykandan soň, dünýä meşhur toparyň dünýä syýahatyna çykmagy meýilleşdirilýär.
