Amerikaly gaýa dyrmaşyjy Aleks Honnold Netflix-iň göni ýaýlymdaky görkezilişiň çäginde Taýbeý 101 gökdiräne hiç hili ätiýaçlandyryş serişdelerini ulanmazdan erkin dyrmaşdy we binanyň depesinde selfi düşürdi.
Variety neşiriniň ýazmagyna görä, beýikligi 508 metrlik, 101 gatly binaň gerşine ýetmek üçin oňa 95 minut wagt gerek boldy.
40 ýaşly türgen gökdiräne dyrmaşmaga ýerli wagt bilen sagat 09:10-da başlady. Ol dyrmaşyp barýan ýerinden binanyň içinde özüni surata düşürip ýören Google, McKinsey & Co. we Taýwanyň fond biržasy ýaly edaralaryň ofis işgärlerine gol bulap geçdi.
Honnold Oskar baýragyna mynasyp bolan «Fri solo» dokumental filminde görkezilen Ýosemitidäki El-Kapitan dagyna dyrmaşandan soň meşhuryk gazanypdy. Ol on ýyl tejribesine garamazdan, heniz şu güne çenli ýekeje gezegem beýle beýik binalary göni ýaýlymda «boýun egdirip» görmändi.
Taýbeý 101 binasy ozal hem gaýa dyrmaşyjylarynyň ünsüni çekýärdi. Mysal hökmünde, oňa 2004-nji ýylda dyrmaşan alpinist Alen Roberi hem agzap bolar, emma ol, Honnoldyňkydan tapawutlylykda, ätiýaçlandyryş serişdelerini ulanypdy.
Aleks Honnold göni ýaýlymda Taýbeý 101 gökdirän bina ätiýaçsyz dyrmaşyp çykdy
- şu gün 15:59
- 3.1k+
