Google kompaniýasy "Google Photos" (Google Foto) serwisinde täze funksiýany işe girizdi. Android we iOS üçin niýetlenen mobil goşundysynda ulanyjynyň şahsy suratlarynyň esasynda memleri döretmäge mümkinçilik berýän "Me Meme" guraly peýda boldy.
Bu funksiýa generatiw emeli aňyň esasynda işleýär we şahsy suratlary ulanmak üçin taýýar şablonlaryň toplumyny hödürleýär. Täze gural häzirlikçe synag görnüşinde diňe ABŞ-daky ulanyjylar üçin elýeterli bolup, ol goşundynyň "Creativity" bölüminde ýerleşýär.
Mem döretmek üçin ulanyjy hödürlenýän şablonlaryň birini saýlamaly we ýüzüniň şekili aýdyň görünýän suraty ýüklemeli. Şondan soň suraty redaktirläp we memiň generasiýasyny (döredilmegini) başladyp bolýar.
Taýýar bolan netije "Google Photos" kitaphanasynda saklanýar. Şeýle hem ulanyjy suraty gaýtadan döredip ýa-da ony başgalar bilen paýlaşyp bilýär.
