Maksat – çaknyşmazlyk: Starlink hemralary tas her sagat çaknyşykdan gaçyp-gutulmaly bolýar

  • 24.01.2026 18:52
  • 6.7k+
Maksat – çaknyşmazlyk: Starlink hemralary tas her sagat çaknyşykdan gaçyp-gutulmaly bolýar

SpaceX-iň ABŞ-nyň Federal aragatnaşyk komissiýasyna berlen hasabatyna görä, 2025-nji ýylyň iýun aýyndan noýabr aýyna çenli Starlink hemralary beýleki kosmos gämileri we galyndylary bilen çaknyşyklardan gaça durmak üçin 148,696 gezek aýlawly hereket etmäge mejbur boldular.
Şeýlelikde, hemralar ortaça her sagatda öz traýektoriýalaryny üýtgetmeli boldular. Kompaniýanyň operatorlarynyň işi, wideo oýundaky kosmos gämisini çaknyşyklardan goramak üçin yzygiderli hereketlendirmeli bolýan oýunçynyň bolşuny ýatladýar. Bu hereketleriň ýygylygy pes Ýer orbitasynda howplaryň artyş derejesini görkezýär.
South China Morning Post howpuň uly böleginiň Hytaýdan gelip çykan obýektler bilen baglanyşyklydygyny habar berýär. SpaceX-i has-da Hongqing Technology kompaniýasy tarapyndan işlenip düzülen  Honghui-2 hemrasy alada goýýar. Alty aýyň dowamynda diňe şu apparatyň özi Starlink hemralaryny 1,143 gezek goranmak üçin aýlawly hereket etmäge mejbur etdi.
Hasabatda şeýle hem orbitadaky obýektleriň dykyzlygynyň artmagyny dowam etdirýändigi bellenilýär. 2025-nji ýylyň ahyryna çenli Ýeriň pes orbitasynda, takmynan 9500 Starlink hemrasy bardy we bu san artmagyny dowam etdirýär.

«Starlink 10-40» uçurylyşynda asmany «meduza» şekilli ýagtylyk gurşap aldy
şu gün 11:02
2.4k+

«Starlink 10-40» uçurylyşynda asmany «meduza» şekilli ýagtylyk gurşap aldy

NASA SpaceFlight toparynyň älem fotosuraçysy Maks Ewans «Starlink 10-40» missiýasynyň uçurylyşyny «taryhdaky iň gowy Starlink uçurylyşy» diýip atlandyrdy. Onuň bellemegine görä, hemralaryň täze toparynyň asmana goýberilmegi diňe bir alymlar üçin däl, eýsem ýönekeý synçylar we fotosuraçylar üçin hem aýratyn täsirli boldy...

Nemes alymlary «Starship-iň» ýewropaly bäsdeşini tanyşdyrdylar
şu gün 10:41
1.2k+

Nemes alymlary «Starship-iň» ýewropaly bäsdeşini tanyşdyrdylar

Germaniýanyň awiasiýa we kosmonawtika merkeziniň alymlary meşhur «Starship» raketasynyň iň jikme-jik we garaşsyz synyny çap etdiler. Bu ylmy iş hakynda CEAS Space Journal žurnalynda okap bolýar. Gözlegçi bilermenler «Starship» raketasynyň ilkinji dört synag uçuşynyň açyk maglumatlaryny seljerdiler we onuň mümkinçilikleri esasynda öz modellerini gurdular...

Ýewropaly we hytaýly alymlar lazer internetini döretmekde uly öňegidişlik gazandylar
düýn 11:48
1.1k+

Ýewropaly we hytaýly alymlar lazer internetini döretmekde uly öňegidişlik gazandylar

Ýewropa kosmos agentligi taryhda ilkinji gezek uçar bilen emeli hemranyň arasynda gigabit tizlikli lazer aragatnaşygyny amala aşyrdy. Bu tejribe awiasiýa we barylmasy kyn bolan sebitler üçin giň zolakly interneti ösdürmekde möhüm tapgyrdyr...

Wera Rubin obserwatoriýasynyň ulgamy bir gijede 800 müň kosmos hadysasyny hasaba aldy
düýn 10:56
1.3k+

Wera Rubin obserwatoriýasynyň ulgamy bir gijede 800 müň kosmos hadysasyny hasaba aldy

Wera Rubin adyndaky obserwatoriýanyň awtomat habar beriş ulgamy resmi taýdan işe başlady. Bu ölçegi ýeňil awtomobil bilen deň bolan LSST kamerasy bilen enjamlaşdyrylan iň uly ýerüsti astronomiýa taslamadyr. Kamera bir gijäniň dowamynda gijeki asmanyň müňe golaý suratyny almaga we iň kiçijik üýtgeşmeleri hem hasaba almaga ukyplydyr...