15-nji martda «Barselona» futbol klubunyň prezident saýlawy geçiriler. Şeýle karar Kataloniýaly klubuň direktorlar geňeşiniň mejlisinden soň kabul edildi. Bu barada toparyň metbugat gullugy klubuň häzirki prezidenti Joan Laporta salgylanyp habar berdi.
Saýlawda ýeňiş gazanan prezident diňe 1-nji iýulda resmi taýdan wezipesine girişer.
Joan Laporta «Barselona» 2021-nji ýyldan bäri ýolbaşçylyk edýär, ol saýlawa gatnaşyp, işinde ýene bir möhletlik galmak isleýär. Bu wezipä ondan başda Wiktor Font, Hawýer Wilajoana we Mark Siria dalaş edýär.
Ispan La Ligasyndaky 20 oýundan soň «Barselona» 49 utuk gazanyp, Madridiň «Real»-yndan 1 utuk öňde barýar.
Laporta «Barselonanyň» prezident saýlawlarynyň senesini yglan etdi
- 24.01.2026 16:54
- 3.9k+
