Bentley kompaniýasy brendiň taryhyndaky iň depginli gysga metražly film diýlip atlandyrylýan wideoşekili köpçülige hödürledi. Roligiň baş gahrymanlary — meşhur ekstremal sürüji, «Jimhana» seriýasyny esaslandyryjylaryň biri Trewis Pastrana hem-de ýaňy-ýakynda tanyşdyrylan kuwwatly Bentley Continental Supersports awtomobili boldy.
Pastrananyň çylşyrymly tilsimlerini markanyň iň meşhur modelleriniň we geljekdäki täze önüminiň fonunda ýerine ýetirdi.
Esasy sahnalar Bentley-niň ştab-kwartirasynyň çäginde we kompaniýanyň esasy ýygnama sehinde düşürildi.
Wideoda Paýks-Pik ýaryşlaryna taýýarlanylan Bentley modelleri, uruşdan öňki seýrek duş gelýän 5 sany awtomobil we Bentley Brooklands modeliniň iň soňky nusgasy görkezilýär.
Filmiň jemleýji pursady Supersports modeliniň öňki üç nesliniň öňünde surata alyndy.
Filmiň titr ýazgylarynda kompaniýanyň ýolbaşçysy Frank-Ştefen Wallizer hem peýda bolýar. Epizodlaryň birinde Pastrananyň awtomobili üsti örtükli duran bir ulagyň ýanyndan geçip gidýär — bu bolsa Bentley-niň ilkinji seriýaly elektromobiliň üstünde işleýändigine yşaratdyr.
Supersports modelinden jemi 500 sany öndüriler we olaryň ählisi eýýäm satyldy. Wideo düşürilýän awtomobili ýöriteleşdirildi: gidrawlik dik el tormozy ornaşdyryldy we hereketlendirijiniň sazlamalary gaz bilen tormozy bir wagtda basmaga uýgunlaşdyryldy.
Ýeňilleşdirilen korpus, kämilleşdirilen şassi, gibrid däl 666 at güýjüne deň bolan V8 hereketlendiriji we yzky çekiji güýç (RWD) bar.
