Sony doly simsiz, gulakhalka dizaýnly LinkBuds Clip nauşnigini tanyşdyrdy. Açyk görnüşli nauşnik gulak kanalyny ýapmaýar we uzak wagtlyk dakynanyňda-da birahatlyk döretmeýär.
LinkBuds Clip gulaga jebis oturýar we daşyndan klips gulakhalka meňzeýär. Bu dizaýnyň özi-de, nauşnigi uzak günläp dakynyp ýörmek üçin gelşiklidir.
Täze modeliň bahasy 230 dollar we ol Sony-niň resmi web sahypasynda satyn almak üçin elýeterlidir.
Modelde üç iş režimi göz öňünde tutulan; standart, şowhunly gurşawlarda ses güýçlendirme we başgalary biynjalyk etmezlik üçin ses derejesini peseldip, ses syzmagyny azaltmak režimleri. Ulanyjylar şeýle hem 10 diapazonly ekwalaýzer arkaly sesi sazlap hem bilýärler.
Nauşnik telefonda gürleşilýan wagty gohy ýok etmek funksiýasyna-da eýedir. Sony, AI esasly algoritmleriň ulanylmagy sebäpli jaň wagtynda hem sesiň hiliniň ýokary derejede eşidilýändigini belleýär. Aýdym diňlenýän wagtynda daşarky sesleriň bloklanmaýandygyny-da bellemek gerek.
LinkBuds Clip-iň batareýasynyň bir gezek zarýadlanylanda dokuz sagada çenli ýetýär. Gapda üç minut zarýad bermek, goşmaça bir sagat ulanmak mümkinçiligini berýär. Zarýad beriji gap bilen birlikde, batareýanyň umumy ömri 37 sagada çenli ýetýär.
