Chanel 2026-njy ýylyň ýaz-tomus mahabat kampaniýasyny görkezdi. Bu kompaniýa moda öýüniň täze döredijilik direktory Matýe Blaziniň ýolbaşçylygyndaky ilkinji kampaniýadyr diýip, WWD habar berýär.
Surata düşürmek işleri Lazur kenarlaryndaky «La Pauza» willasynda geçirildi. Bu jaý bir wagtlar Koko Şanele degişli bolup, ýakynda gaýtadan dikeldildi. Kampaniýanyň suratlaryny Alek Sott düşürdi.
Kampaniýa Awar Odyang, Adista Berzenia, Bhawita Mandawa, Loli Bahiýa, Marta Freççiýa we beýleki modeller gatnaşýar. Suratlarda olaryň basgançaklardan aşak düşýänleri, willanyň içinde dynç alýan pursatlary we tebigatyň founda düşürilen suratlary görkezilýär. Şolaryň hatarynda zeýtun agajynda oturan modeliň suraty-da bar.
Suratlarda Koko Şaneliň arhiw suratlaryna wizual salgylanma duýulýar.
Chanel bu kampaniýanyň Matýe Blazi bilen moda öýüň esaslandyryjysynyň mirasynyň arasyndaky söhbetiň dowamydygyny belleýär.
