Dubaýda Inaura gökdiräniň taslamasy tanyşdyryldy. Şäheriň täsin binalary öň ýetik hem bolsa, täze bina olardan özboluşly aýratynlygy – ýokarky gatlarynyň arasyndaky ýagty saçýan sferasy bilen tapawutlanar. Bu teklip MVRDV binagärlik firmasy tarapyndan işlenip düzüldi.
Diňi Dubaýyň merkezinde gurmak meýilleşdirilýär. Bina şäheriň ähli ýerlerinden görner. Onuň penjirelerinden bolsa, dünýäniň iň beýik binasy - Burj Halifanyň ajaýyp görnüşini synlap bolar. Gökdiräniň belentliginiň 210 metr bolmagy Dubaýyň standartlary boýunça hiç neneň däl hem bolsa, edil Burj Halifa ýa-da Tiger Sky Tower ýaly ägirtlerden has pesdir.
Diň aýna fasadly gönüburç görnüşde bolar. Onuň binagärlik keşbiniň üsti gorizontal elementler, daş-töweregini gurşap duran balkonlar we birikdirilen ýagty saçýan sfera bilen ýetirilýär. Bina jemgyýetçilik ýeri we dynç alyş zolagy hökmünde niýetlenendir.
Binada ýaşaýyş jaýlary we myhmanhana ýerleşer. Taslama şeýle hem restoran, sport zaly, suw howdany we spa toplumyny öz içine alýar.
Gurluşygyň tamamlanjak senesi heniz yglan edilmedi.
