Amerikaly meşhur aýdymçy Bruno Mars 2025-nji ýylyň maý aýynda çykan «Steal a Brainrot» oýnunyň çäklerinde Roblox wirtual sahnasynda çykyş etdi. Bu oýun çykan gününden bäri bir wagtyň özünde 25 milliondan gowrak oýunçyny bir ýere jemlemegi başardy.
Roblox — ulanyjylaryň öz oýunlaryny we wirtual dünýälerini döredýän onlaýn platformasydyr. Bu platforma, esasanam, ýetginjekleriň arasynda meşhur bolup, diňe bir oýun oýnamak üçin däl, eýsem wirtual çäreler, konsertler we dürli tanyşdyrylyşlar üçin hem ulanylýar.
Bruno Marsyň konserti «Steal a Brainrot» taslamasy üçin iň möhüm wakalaryň birine öwrülip, 12,7 milliondan gowrak ulanyjyny özüne çekdi.
Çykyş takmynan ýedi minut dowam etdi. Artist geljekki «The Romantic» albomyndan täze «I Just Might» aýdymyny we meşhur «Locked Out of Heaven» hitini ýerine ýetirdi.
Tomaşaçylar wirtual giňişlikde erkin hereket edip, artistiň keşbinden we stilinden ylham alnyp döredilen eksklýuziw oýun içindäki goşlary (predmetleri) ýygnap bildiler.
Roblox-daky bu wirtual çykyş Bruno Marsyň täze albomynyň ilkinji mahabat çäresi boldy. Albomyň 27-nji fewralda çykmagyna garaşylýar. Sazanda täze işi tanyşdyrylandan soň, dünýä boýunça uly syýahata ugrar.
Artist Demirgazyk Amerikanyň, Ýewropanyň we Beýik Britaniýanyň iri stadionlarynda konsert bermegi meýilleşdirýär.
