Airbus kompaniýasy gumanoid robotlary awiagurluşykda ulanmak mümkinçiligini öwrenip başlady. Munuň üçin korporasiýa Hytaýyň UBTech Robotics kompaniýasy tarapyndan işlenip düzülen Walker S2 robotyny satyn aldy diýip, South China Morning Post gazeti habar berdi.
Geljekde UBTech robotlary awiagurluşyk korporasiýasynyň kärhanalarynda ornaşdyrylyp bilner.
Walker S2 roboty 2025-nji ýylyň iýul aýynda hödürlendi. Onuň boýy, takmynan, 1,76 metre barabar. Ol köpugurly manipulýatorlar we maşyn görüş ulgamy bilen üpjün edildi, bu hem oňa giňişlikde adam ýaly hereket etmäge we ugur kesgitlemäge mümkinçilik berýär. Robot 15 kg çenli agramdaky predmetleri göterip bilýär.
Şeýle-de, robot Co-Agent emeli aň ulgamy bilen enjamlaşdyryldy we özbaşdak akkumulýatoryny çalşyp bilýän we günüň dowamynda üznüksiz işleýän dünýäde ilkinji gumanoid roboty boldy.
Çeşmäniň belleýşi baly, ozal bu modeli BYD awtoöndürijisi we Foxconn elektronika öndürijisi satyn alypdy. Texas Instruments amerikan kompaniýasy hem bu robotlary synagdan geçirdi. Neşir UBTech-iň robotlarynyň işjeň ornaşdyrylmagynyň Hytaýyň adam şekilli robototehnika ugrunda öňdebaryjy orny eýelemäge ymtylýandygyny görkezýär.
