«Eýforiýa» serialynyň üçünji möwsüminiň ilkinji treýleri çykandan soňky ilkinji 48 sagadyň dowamynda 100 milliona golaý tomaşaçy toplady. Bu hakda Warner Bros. Discovery kompaniýasynyň maglumatlaryna salgylanýan Deadline habar berýär.
Bu, HBO Max platformasynyň taryhynda asyl nusgaly serial treýleri üçin şeýle wagt aralygynda iň ýokary tomaşaçy sanydyr.
Deňeşdirmek üçin aýtsak, «Biziň soňkymyz» («Одни из нас» 2024) serialynyň ikinji möwsüminiň treýleri üç günüň dowamynda 158 million tomaşaçy toplapdy, «Tagtlar oýny» («Игры престолов» 2019) serialynyň soňky möwsüminiň treýleri bolsa ilkinji 24 sagadyň dowamynda 81 million tomaşaçy toplady.
Ýetginjeklere niýetlenen «Eýforiýa» filmi 2019-njy ýylda ýaýlyma goýberildi. HBO-nyň maglumatyna görä, taslama teleýaýlymyň taryhyndaky iň köp tomaşa edilen filmleriň arasynda. Filmiň ikinji möwsüminiň 2022-nji ýylda ýaýlyma berlen final bölümi 6,6 million tomaşaçyny özüne çekdi.
Üçünji möwsümiň 2026-njy ýylyň 12-nji aprelinde görkezilmegi meýilleşdirilýär. Onuň soňky möwsüm bolmagyna garaşylýar.
Zendeýa, Sidni Suini, Jeýkob Elordi, Hanter Şefer we beýleki aktýorlar öňki keşplerine dolanarlar. Sýužet öňki möwsümlerdäki wakalardan birnäçe ýyl soň dowam eder. Onda gahrymanlar orta mekdebi tamamlap, ululyk döwrüne gadam basýarlar.
