Meşhur Subway Surfers mobil oýnunyň dowamynyň çykjak senesi belli boldy. Ol Subway Surfers City diýlip atlandyrylýar we 26-njy fewralda çykar. Taslama iOS we Android operasion ulgamlarynyň ulanyjylary üçin elýeterli bolar.
Daniýanyň SYBO studiýasy tarapyndan işlenip düzülen oýnuň ilkinji wersiýasy taryhda iň köp ýüklenen oýun hasaplanýar (4,5 milliarddan gowrak ýükleme).
Täze bölüm doly derejeli sikwel bolar. Onuň wakalary dünýäniň dürli şäherlerinden Subway City megapolisine geçiriler. Waka dört sebitde ýaýbaňlanar: port zolagy, Southline, Sunrise bulwary we Delorean seýilgähi.
Metbugat relizine görä, studiýa möwsümleýin täzelenmeleri çykarmagy meýilleşdirýär. Oýna goşmaça ýerleri, gahrymanlary, gurallary we howerbordlary hem goşmak göz öňünde tutulýar.
Tölegli kontentiň boljakdygy entek belli däl.
Bildiriş bilen birlikde kinematografik treýler çykaryldy, ýöne onda oýun prosesi görkezilmeýär. Şeýle-de bolsa, işläp düzüjiler oýundan birnäçe skrinşotlary hödürledi.
