«Wikipediýa» taslamasyny ösdürýän täjirçilik däl «Wikimedia» fondy onlaýn ensiklopediýanyň taryhynda iň köp görlen iňlis dilindäki makalalaryň sanawyny çap etdi.
«Popular Science» žurnalynyň belleýşine görä, bu reýting 2008-nji ýyldan bärdäki maglumatlara esaslanýar. Emma bu makalalar ensiklopediýanyň esaslandyrylan wagtyndan (2001-nji ýyl) bäri iň meşhur soraglar bolup galýar.
Iň meşhur makalalaryň ilkinji onlugy:
- Ýyl boýunça ýogalan meşhur adamlaryň sanawy — 647 milliondan gowrak görlüş;
- Amerikanyň Birleşen Ştatlary — 328,5 million;
- Donald Tramp — 325,4 million;
- Ýelizaweta II — 253,3 million;
- Hindistan — 210,7 million;
- Kriştianu Ronaldu — 209,2 million;
- Barak Obama — 200,6 million;
- Ilon Mask — 197,5 million;
- Ikinji Jahan urşy — 196,1 million;
- Beýik Britaniýa — 180,9 million.
Reýtingiň ikinji onlugynda Lionel Messi, Maýkl Jekson, «Tagtlaryň oýny» (Game of Thrones), Taylor Swift we Eminem ýaly meşhur şahsyýetler hem-de medeni taslamalar agdyklyk edýär. Şeýle hem sanawda Birinji Jahan urşy, Kanada, «Oskar» baýragy we iň köp girdeji gazanan filmleriň sanawy bar.
Belläp geçsek, 15-nji ýanwarda dünýäniň iň uly ensiklopediýasy bolan «Wikipediýa» özüniň 25 ýyllyk ýubileýini belledi.
