Google ulanyjylara bir Google akkauntynyň çäklerinde gmail.com domeninde elektron poçta salgysyny üýtgetmäge mümkinçilik berýän funksiýany işe girizip başlady. Funksiýa, aslynda, geçen ýyl yglan edildi we diňe üçünji tarap serwisleriň poçtasyny ulanýanlar üçin elýeterlidi.
Täze funksiýa häzirki gmail.com salgysyny başgasy bilen çalyşmaga, mysal üçin, good@gmail.com-y bad@gmail.coma-a üýtgetmäge mümkinçilik berýär. Şol bir wagtyň özünde, Google akkaunty şol bir akkaunt bolmagynda galýar, diňe poçta salgysynyň ady üýtgeýär. Kompaniýa funksiýany tapgyrlaýyn işe girizer we bu biraz wagt alyp biler.
«Häzire çenli şahsy Gmail salgysyny üýtgetmek mümkin däldi, indi şeýle mümkinçilik bar we bu käbirleriňiz üçin gowy habar. Mysal üçin, eger siz ýa-da maşgala agzaňyz öz Google akkauntyňyzy döreden bolsaňyz we indi häzirki gmail.com salgysyny ýerliksizdigi sebäpli ulanmak islemeýän bolsaňyz, bu funksiýa siz üçin» – diýlip, Google-yň tehniki goldaw saýtynda aýdylýar.
Köne elektron poçta salgysy ýitmeýär we goşmaça hökmünde saklanýar. Ulanyjy iki salga hem hat kabul etmegini dowam eder, akkauntyň maglumatlary bolsa üýtgewsiz galar.
Şeýle-de, kompaniýa öňki salga islendik wagt dolanyp boljakdygyny, ýöne bir akkaunt üçin täze salgylary döretmegiň 12 aýyň içinde bir gezek mümkindigini habar berdi. Täze salgyny bozup hem bolmaýar.
