Fransiýanyň Milli Statistika we Ykdysady Barlaglar Institutynyň (INSEE) maglumatlaryna görä, 2025-nji ýylda Fransiýada dogluş derejesi 1944-nji ýyldan bäri iň pes derejä ýetdi.
Agentligiň maglumatlarynda 2025-nji ýylda ýurt boýunça 654,000 çaga doglandygy aýdylýar. Bu 2024-nji ýyl bilen deňeşdirilende 2,1% we dogluş derejesi iň ýokary derejä ýeten 2010-njy ýyl bilen deňeşdirilende 24% az diýmekdir.
Dogluş koeffesienti hem edil şonuň ýaly. Ol 2024-nji ýylda her aýala 1,61 çagadan 2025-nji ýylda 1,56 çaga çenli üýtgedi. Hasabatda munuň Birinji Jahan urşundan bäri iň pes görkezijidigi bellenilýär.
INSEE-de ölüm derejesiniň hem artýandygy hasaba alyndy. 2025-nji ýylda aradan çykanlaryň sany 651,000-e ýetdi. Bu bolsa geçen ýyl bilen deňeşdirilende 1,5% artykdyr. Hasabatçylar muny gyşda, esasanam ýylyň başynda bolup geçen dümew epidemiýasy bilen baglanyşdyrýarlar.
Muňa garamazdan, Fransiýanyň umumy ilaty 2024-nji ýyldaky 68,6 million adama garanyňda az-kem artyp, 69,1 milliona ýetdi.
Ýurtda adam ömrüniň ortaça dowamlylygy aýallar üçin 85,9 ýyl, erkekler üçin bolsa 80,3 ýyldyr.
