ABŞ-da yzyny görkezýän kameranyň şekili bilen bagly näsazlyklar sebäpli Volkswagen Group konserniniň awtomobilleri giň gerimde yzyna gaýtarylýar. ABŞ-nyň Ýol hereketiniň howpsuzlygy boýunça milli edarasynyň maglumatlaryna görä, programma ýalňyşlygy yzdaky zatlary görkezmekde bökdençliklere getirip biler, bu bolsa heläkçilik ýagdaýlarynyň töwekgelçiligini ýokarlandyrýar.
Volkswagen konserni Audi brendi bilen bilelikde 356 649 awtomobili yzyna gaýtarýar. Şol bir wagtyň özünde şeýle näsazlyk barada Porsche hem habar berdi: premium brend ABŞ-da 173 538 ulagy yzyna ýygnaýar. Porsche üçin bu soňky ýyllarda iň uly yzyna çagyryş kampaniýalarynyň biri boldy. Umuman alanyňda, bu kampaniýa 530 müňden gowrak awtomobile täsir edýär.
Volkswagen-iň yzyna gaýtaryş kampaniýasy 2019-2026-njy ýyllarda çykan awtoulaglara degişlidir. Näsazlyklary düzetmek üçin dilerler yzyny görkezýän kameranyň işine jogap berýän programma üpjünçiligini mugt täzelär. Bu şekiliň dogry görkezilmegini dikeldip, heläkçilik ýagdaýlarynyň bolmak ähtimallygyny azaltmaly.
