«ManÝunaýtediň» öňki tälimçisi «Twenteniň» tehniki müdiri wezipesini eýelär

  • 08.01.2026 21:00
  • 3.3k+
«ManÝunaýtediň» öňki tälimçisi «Twenteniň» tehniki müdiri wezipesini eýelär

Erik ten Hag resmi taýdan Niderlandlaryň «Twente» klubunyň tehniki müdiri wezipesine bellendi. Ol 2026/27 möwsüminiň başyndan öz wezipe borçlaryny doly ýerine ýetirmäge girişer, ýöne klubuň işine 1-nji fewraldan goşular.

Hünärmeniň şertnamasy 2028-nji ýyla çenli hereket edýär.
Niderlandly tälimçiniň soňky iş ýeri Lewerkuzeniň «Baýeri» bolupdy. Ol topara häzirki möwsümiň başynda bary-ýogy üç oýunda ýolbaşçylyk etdi, şondan soň işden çykaryldy.
Ozal ten Hag belli klublaryň birnäçesi bilen işleşdi. Ol 2017-nji ýyldan 2022-nji ýyl aralygynda «Aýaksa» ýolbaşçylyk etdi, 2022-nji ýyldan 2024-nji ýyl aralygynda bolsa «Mançester Ýunaýtede» tälimçi boldy.
Häzirki wagtda «Twente» Niderlandlaryň Erediwizi ligasynyň ýaryş jedwelinde ýedinji orny eýeleýär. 

Myhmanlar üstün çykdy: Ýewropa ligasynyň ilkinji pleý-off oýunlary nähili geçdi?
düýn 13:41
5.1k+

Myhmanlar üstün çykdy: Ýewropa ligasynyň ilkinji pleý-off oýunlary nähili geçdi?

19-njy fewraldan 20-ne geçýän gije Ýewropa ligasynyň pleý-off (utulan-çykdy) tapgyrynyň ilkinji duşuşyklary geçirildi. Bu tapgyr aýratyn-da myhmançylykda oýnan toparlar üçin şowly boldy: birnäçe klub möhüm ýeňişleri gazanyp, 1/8 finala çykmak üçin gowy mümkinçilik gazandylar...

«Arsenal» Bukaýo Saka bilen şertnamany 2031-nji ýyla çenli uzaltdy
düýn 10:24
1.2k+

«Arsenal» Bukaýo Saka bilen şertnamany 2031-nji ýyla çenli uzaltdy

Hüjümçi Bukaýo Saka «Arsenal» bilen şertnamasyny 2031-nji ýyla çenli uzaltdy. Bu barada London klubunyň resmi saýty habar berýär. Mundan ozal metbugatda täze şertnamanyň iňlis oýunçysynyň zähmet hakyny ep-esli ýokarlandyrjakdygy we wingeriň Ýewropanyň iň gowy oýunçylarynyň biri hökmünde statusyny tassyklaýandygy barada maglumatlar peýda boldy...

Çempionlar ligasy: «Budýo-Glimt» «Interi» utdy, «Nýukaslyň» hüjümçisi poker etdi
19.02.2026 11:24
5k+

Çempionlar ligasy: «Budýo-Glimt» «Interi» utdy, «Nýukaslyň» hüjümçisi poker etdi

Penşenbä geçýän gije UEFA-nyň Çempionlar ligasynyň pleý-off (utulan çykdy) tapgyrynyň duşuşyklary geçirildi. «Nýukasl» Bakuda uly hasap bilen ýeňiş gazandy, «Baýer» we «Budýo-Glimt» iki gol aratapawudy bilen üstün çykdylar, «Brýugge» bilen «Atletikonyň» duşuşygy bolsa 6 golly oýunda deňme-deňlik bilen tamamlandy...

«Al-Nasr» «Arkadag» FK-ny ýeňip, AFK Çempionlar ligasy-2-niň çärýek finalyna çykdy
19.02.2026 06:27
18k+

«Al-Nasr» «Arkadag» FK-ny ýeňip, AFK Çempionlar ligasy-2-niň çärýek finalyna çykdy

Saud Arabystanynyň «Al-Nasr» topary AFK Çempionlar ligasy-2-niň 1/8 finalynyň jogap duşuşygynda Türkmenistanyň «Arkadag» toparyny 1:0 hasabynda ýeňlişe sezewar etdi. 19-njy fewrala geçilen gije Er-Riýadda bolan bu oýun saud toparynyň çärýek finala çykmagyny üpjün etdi...