Xiaomi adam gatyşmazdan we hatda yşyklandyryşy hem talap etmeýän täze, doly awtomatlaşdyrylan zawodynyň işe girizilendigini yglan etdi. Täze desga kompaniýanyň önümçilik ekoulgamynda tehnologik taýdan iň ösen kärhanalaryň birine öwrüldi.
Zawod iri akylly öý enjamlaryny öndürýär. Taslamalaşdyrmak, işläp düzmek we köpçülikleýin önümçilik işleri bir bitewi toplumda jemlenendir. Bu ädim Xiaomi-niň öz senagat klasterini ösdürmek we daşarky potratçylara bolan garaşlylygyny azaltmak strategiýasynyň dowamydyr.
Önümçilik toplumy Uhan şäherinde ýerleşýär we adam gatnaşmazdan gije-gündiz işleýär. Ähli prosesler emeli aň, IoT (Zatlaryň interneti) ulgamlary we uly maglumatlar (Big Data) tehnologiýalarynyň utgaşmasy arkaly dolandyrylýar. Bu bolsa enjamlary ýygnamakdan başlap, hil gözegçiligine çenli tutuş döwri awtomatlaşdyrmaga mümkinçilik berýär.
Zawodyň üýtgeşik aýratynlygy — onuň doly garaňkylykda işläp bilmek ukybydyr: robotlar we emeli aň ulgamlary üçin ýagtylyk gerek däl. Önümçiligiň bu gerimi kompaniýa her 6,5 sekuntda bir kondisioner öndürmäge mümkinçilik berýär.
Kompaniýa akylly öý ugruny işjeň ösdürýär we önümçiligiň çuňňur awtomatlaşdyrylmagy arkaly enjamlaryň çykarylyşyny çaltlandyrmaga, olaryň hilini ýokarlandyrmaga we özüne düşýän gymmatyny azaltmaga umyt baglaýar.
