Aktýor Jeki Çan 2026-njy ýylyň gyşky Olimpiýa oýunlarynyň öňüsyrasyndaky estafetanyň çäklerinde gadymy rim şäheri Pompeiden Olimpiýa alawynyň fakelini göterip geçdi. Bu barada NBC News teleýaýlymy habar berýär.
Artist üçin bu estafeta üçünji gezek gatnaşmagy boldy. Ozal ol 2008-nji ýylda Pekindäki tomus we 2022-nji ýylda gyşky Oýunlarda fakel göteriji bolupdy.
Çäräniň meýilnamasy indiki tapgyrlarda titul gazanan türgenleriň gatnaşmagyny göz öňünde tutýar. 23-nji dekabrda Neapolda Olimpiýa nyşanyny Italiýanyň milli ýygyndysynyň öňki futbolçylary: Özbegistanyň milli ýygyndysynyň häzirki baş tälimçisi Fabio Kannawaro we 1990-njy ýylyň dünýä çempionatynyň baýrakçysy Çiro Ferrara göteripdi. Bu tapgyr tamamlanandan soň, ýöriş Roždestwo baýramçylygy üçin togtadylar.
Umumy ýol aralygy, takmynan, 12 müň kilometre barabar. Ýöriş dabaraly ýagdaýda 6-njy fewralda Milandaky «San-Siro» stadionynda tamamlanar. Hut bu ýerde Oýunlaryň resmi açylyşy bolar.
Gyşky Olimpiada 2026-njy ýylyň 6 – 22-nji fewralynda geçer. Kabul etjek esasy şäherler Milan we Kortina-d’Ampesso bolar.
