Adidas kompaniýasy öz resmi saýtynda «Liwerpulyň» we Müsüriň milli ýygyndysynyň hüjümçisi Mohamed Salah üçin ýörite döredilen täze F50 butsy modelini görkezdi.
Sport aýakgabynyň daşky görnüşi Gadymy Müsüriň taryhyna we futbolçynyň mirasyna salgylanýar. Esasy ak reňkiň üstüne ieroglifleri ýatladýan çäge reňkli elementler goşuldy.
«Butsynyň Salahyň mirasyndan we Gadymy Müsüriň taryhyndan ylham alan dizaýny arassa ak esasda oýulan çäge reňkli çylşyrymly detallar görnüşinde hödürlenen ierogliflere esaslanýar. Batyrgaý, ýöne minimalistik dizaýn Salahyň oýnuny kesgitleýän ýokary tizligi, öňünden bilip bolmajak hereketleri we hüjüm bulaşyklygyny görkezýär» — diýlip, kompaniýanyň metbugat relizinde aýdylýar.
23-nji dekabrda Müsüriň milli ýygyndysy Afrika milletleriniň kubogyna başlar. Salah we Omar Marmuş («Mançester Siti») bilen Müsüriň milli ýygyndysy B toparçada çykyş eder. Toparyň garşydaşlary Zimbabweniň, GAR-yň we Angolanyň milli ýygyndylary bolar.
