Hindistanyň kän bir bilinmeýän RRP Semiconductor Ltd. kompaniýasynyň paýnamalary oňyn girdejiniň ýokdugyna we bary-ýogy iki işgäriniň bardygyna garamazdan, soňky 20 aýda 55 000%-den gowrak gymmatlady. Paýnama bahalarynyň şeýle ösüşi Hindistanyň Gymmatly kagyzlar boýunça komissiýasy tarapyndan barlagyň sebäbi boldy diýip, Bloomberg habar berýär.
Ozal GD Trading and Agencies ady bilen işlän kompaniýanyň paýnamalary 7-nji noýabrda iň ýokary derejesine ýetdi. Ösüşe internetde işjeň gürrüňler, erkin dolanyşykda az sanly paýnamalaryň bolmagy we ýarymgeçirijiler pudagyndaky umumy gyzyklanma ýardam etdi. Düzgünleşdiriji edara gatyşandan soň, söwda hepdede bir gün bilen çäklendirildi, netijede paýnamalaryň bahasy 6% peseldi.
Neşiriň maglumatlaryna görä, kompaniýada üýtgeşmeler 2024-nji ýylda, abraýly hindi maýadary Çodankar gözegçilik bukjasyny satyn alyp, öz paýyny 74,5%-e ýetirenden soň başlady. Kompaniýa mikroshemalary ýygnaýan taslama hökmünde gaýtadan hasaba alyndy, ýöne önümçilik häzire çenli başlamady, maliýe görkezijileri bolsa ýitgili bolmagynda galýar.
Aprelde gazna biržasy kompaniýanyň paýnama satuwyny gadagan etdi, ýöne kompaniýa kazyýetde bu çözgüde garşy şikaýat arzasyny berdi.
RRP şikaýat işlerine salgylanyp, metbugatda teswir bermekden ýüz öwürýär.
