Daşkent şäherinde geçirilen "Digital StartUp Awards" bäsleşiginiň Incubation Track tapgyrynyň jemleýji gününde (Demo Day) Türkmenistanyň üç startapy — Hiňlen, Zootel we Opportunities Nearby — her biri 10 000 dollar möçberinde maýa goýum serişdelerini almaga hukuk gazandylar. Maýa goýujylaryň öňünde edilen tanyşdyrylyşlardan (pitching) soň, bu taslamalaryň sebit derejesinde giňelmäge (scaling) bolan uly mümkinçilikleri ýokary baha eýe boldy.
Çäre IT-Park Uzbekistan tarapyndan guralan inkubasiýa maksatnamasynyň çäklerinde geçirildi. Maksatnama sekiz döwletden gelip gowşan 200-den gowrak arzalaryň arasyndan saýlanyp alnan 30 sany taslama gatnaşdy.
Berk saýlawlaryň netijesinde Türkmenistandan gatnaşan üç taslamanyň hemmesi 30 gatnaşyjynyň arasyna girmegi başardy. Üç aýlyk güýçlendirilen onlaýn maksatnamadan soňra bolsa, türkmen startaplarynyň üçüsi hem finalçylaryň hataryna goşuldy. Finala çykan taslamalaryň sany boýunça Türkmenistan Gazagystandan soňra ikinji orny eýeledi we finalçylaryň 20%-ini emele getirdi.
