Madridiň “Realynyň” we Fransiýanyň milli ýygyndysynyň hüjümçisi Kilian Mbappe dünýäniň iň gymmat futbolçysy boldy. Bu “Transfermarkt” portaly tarapyndan Ispaniýanyň çempionatynyň oýunçylarynyň bazar bahasy boýunça täzelenen maglumatlardan gelip çykýar.
Mbappeniň bazar bahasy $20 million ýewro ýokarlanyp, $200 million ýewro çykdy. Bu baha ony “Mançester Siti” toparynyň hüjümçisi Erling Holand we “Barselonanyň” wingeri Lamin Ýamal bilen deň edýär – olaryň hem bahasy $200 million ýewro.
26 ýaşly fransuz hüjümçiniň bahasynyň “Pari Sen-Žermen” toparynda oýnan döwründe hem bu iň ýokary derejä ýetendigini bellemek gerek.
Ispaniýanyň çempionatynyň iň gymmat 10 oýunçysy:
- Lamin Ýamal (“Barselona”) — $200 million ýewro
- Kilian Mbappe ("Real") — $200 million ýewro
- Jud Bellingem ("Real") — $160 million ýewro
- Winisius Žunior (“Real”) — $150 million ýewro
- Pedri (“Barselona”) — $140 million ýewro
- Federiko Walwerde ("Real") — $120 million ýewro
- Hulian Alwares (“Atletiko”) — $100 million ýewro
- Arda Güler (“Real”) — $90 million ýewro
- Rafinýa (“Barselona”) — $80 million ýewro
- Pau Kubarsi (“Barselona”) — $80 million ýewro
Kilian Mbappe “Real” toparynda 2024-nji ýyldan bäri oýnaýar. Ol klub üçin ähli ýaryşlarda 80 oýunda çykyş edip, 69 gol geçirdi we 9 netijeli pas berdi. Ol Fransiýanyň milli ýygyndysynyň düzüminde 2018-nji ýyldaky Dünýä çempionatynda ýeňiş gazandy we 2022-nji ýyldaky Dünýä Kubogynda kümüş medala eýe boldy.
