Lexus ýapon konserni LFA konseptual superkaryny görkezdi. Bu konsept öň "Lexus Sport" ady bilen görkezilen hem bolsa, awtoulag öndürijisi indi bu wersiýanyň LFA-nyň indiki nesli üçin prototip bolup hyzmat etjekdigini tassyklady.
Flagman kupäniň prototipi "Toyota0-nyň "GR GT" seriýasyndan iki superkaryň hem debýuty guralan çäresiniň çäklerinde görkezildi.
Täze model "Toyota GR GT" modeli bilen umumy platformany we alýumin güýç gurluşyny, şeýle hem 2725 millimetrlik meňzeş tigir bazasyny paýlaşýar. Konseptiň daşky görnüşinde asyl LFA-nyň dizaýnyna birnäçe saldamlar bar. Bulara umumy sudur, salonyň aňyrsynda ýerleşýän häsiýetli gapdal howa sorujylar we kapotda şemalladyş deşikleri degişlidir.
Interýer hem, mysal üçin, sürüjini we ýolagçyny bölýän aşak eňňit merkezi konsolynyň hasabyna dowamaty saklaýar.
Görkeziliş dabarasynda kompaniýa gabaritleri açdy, ýöne tehniki häsiýetnamalaryny aýan etmedi. Bu konsept doly elektrik ulagy hökmünde yglan edilýär we batareýa bilen işleýän ulagy ösdürmekde sport ugrunyň özboluşly barlagyny görkezýär. Kaşaň elektrik awtoulagynyň köpçülikleýin önümçilige goýberilmegi meýilleşdirilýän-meýilleşdirilmeýändigi entek belli däl.
