Lexus öz taryhynda ilkinji gezek üç hatar oturgyçly, doly göwrümli elektrikli krossoweri bolan TZ modelini tanyşdyrdy.
Awtoulagyň uzynlygy 5100 mm, teker bazasy bolsa 3050 mm deňdir. Poluň tekizligi sebäpli, öndüriji üçünji hatary ýolagçylar üçin giň hem doly rahatlykda ýasamagy başardy.
Ulag elektrikli Toyota Highlander platformasynda gurlupdyr. Modeliň iki hereketlendirijili güýç ulgamy 420 at güýjüne, batareýasynyň göwrümi bolsa 95,82 kWt·sag deňdir. EPA aýlawy boýunça geçip bilýän aralygy 480 kilometrdir. Sagatda 100 km tizlik bilen bat almagy üçin bolsa bary-ýogy 5,4 sekunt ýeterlikdir.
Salony Driving Lounge konsepsiýasy esasynda bezelipdir. Onuň enjamlaşdyrylyşyna ähli üç hatary hem öz içine alýan panoramik üçek, ikinji hataryň aýry-aýry oturgyçlary, 21 dinamikli Mark Levinson audio ulgamy, atmosfera yşyklandyryşy we salony howalandyryş ulgamy girýär. Şeýle-de, krossower Lexus Safety System+ 4.0 ADAS howpsuzlyk ulgamlary bilen üpjün edildi.
Lexus TZ-niň ABŞ-daky satuwlarynyň 2026-njy ýylyň ahyrynda başlamagy meýilleşdirilýär. Bazarda bu model Lucid Gravity, Cadillac Vistiq, Volvo EX90 we Kia EV9 ýaly ulaglar bilen bäsleşer.
