Hytaýyň Midea kompaniýasy resmi taýdan täze nesil Miro U gumanoid robotyny hödürledi. Bu alty mehaniki eli we tigirli aýaklary bolan dünýäde ilkinji gumanoid bolar.
Robot çylşyrymly senagat meselelerini çözmek we önümçiligi awtomatizirlemek üçin döredildi. Robot dik ýokary galyp, 360 gradus aýlanyp bilýär we özüniň alty bionik mehaniki elini ýokary takyklyk bilen dolandyrýar. Dürli amallary ýerine ýetirmek üçin çalt üýtgedip bolýan iş modullary göz öňünde tutuldy.
Täze Miro U awgustda kompaniýanyň Szinçžou zawodynda önümçilige goýberilen tigirli Midea gumanoid robotynyň kämilleşdirilen wersiýasydyr. Öňki model awtonom ykjam robotlar (AMR), bir elli, dört tigirli robotlar, Kuka robot ulgamlary we adamlar bilen bilelikde işleýärdi.
Midea täze roboty 2025-nji ýylyň ahyryna çenli Uside ýokary hilli kir ýuwuşy maşynlary öndüriji zawodda ornaşdyrmagy meýilleşdirýär. Bu önümçilik hatarynyň netijeliligini 30% ýokarlandyrar diýlip garaşylýar.
Mundan başga-da, kompaniýa 2026-njy ýylda oflaýn dükanlarynda Mila robotlaryny hödürlemegi meýilleşdirýär. Olar alyjylara maslahat bermek we önümleri görkezmek üçin ulanylar.
Kompaniýa robototehnika we emeli aňa maýa goýmagyny dowam etdirjekdigini aýdyp, adampisint robotlaryň giň gerimde ornaşdyrylmagynyň Midea-nyň uzak möhletleýin strategiýasynda esasy ugur bolup galýandygyny belledi.
