Samsung kompaniýasy CES 2026 halkara sergisi başlamazdan öň, 4-nji ýanwarda Las-Wegasda The First Look ýyllyk çäresini geçirer. Tanyşdyrylyş dabarasynda kompaniýanyň hojalyk elektronikasynda esasy innowasiýalary, şol sanda täze telewizorlar we beýleki önümler üçin täzelenmeler görkeziler diýlip garaşylýar.
Çäre Wynn otelinde geçer. DX bölüminiň ýerine ýetiriji müdiri we başlygy Te Mun Ro söz bilen çykyş eder. Oňa wizual displeýler we hojalyk enjamlary boýunça ugurlaryň ýolbaşçylary hem goşular. Olar Samsung-yň 2026-njy ýyl üçin ösüş ugurlaryny kesgitlär.
Iň köp garaşylýan anonslaryň biri Samsung-yň ilkinji üç panelli eplenýän smartfony Galaxy TriFold-yň global wersiýasy bolup biler. Ýerli wersiýa eýýäm Günorta Koreýada 3,59 mln wonadan (takmynan, 2 100 ýewro ýa-da 2 400 dollar) görkezildi. Şeýle-de, gürrüňlere görä, kompaniýa indiki Galaxy S26 hatary barada aýdyp biler. Onuň resmi tanyşdyrylyşynyň fewralda bolmagyna garaşylýar.
Tanyşdyrylyş dabarasy göni ýaýlymda görmek üçin Samsung Newsroom, YouTube we Samsung TV Plus platformalarynda elýeterli bolar.
