7-nji dekabrda ABŞ-nyň Las-Wegas şäherinde şu ýylyň jemleýji ýaryşy UFC 323 geçiriler we onuň çäginde iki titul söweşi bolar.
Agşamyň esasy wakasynda has ýeňil agramda çempion Merab Dwalişwili (Gruziýa) 2025-nji ýylda eýýäm dördünji titul goragyny geçirer. Onuň garşydaşy titulyň öňki eýesi Pýotr Ýan (Russiýa) bolar. Türgenler ozal 2023-nji ýylyň martynda duşuşypdy we şol wagt gruziýaly söweşiji emin agzalarynyň biragyzdan karar bermegi bilen ýeňiş gazandy.
Ýene bir esasy wakada iň ýeňil agramda titul goragy geçiriler. Çempion Aleksandr Pantoža (Braziliýa) Joşua Wan (Mýanma) bilen duşuşar.
Şeýle-de, ýaryşyň esasy sanawynyň çäklerinde guramanyň iki agramda öňki çempiony Genri Sehudonyň (ABŞ) hoşlaşyk söweşi bolar. Ol Peýton Talbotta (ABŞ) bilen söweşer.
Özbegistanyň wekili Bogdan Guskow UFC-niň öňki çempiony Ýan Blahowiçe (Polşa) garşy söweşde ýarym agyr diwizionyň öňdebaryjy bäş söweşijisiniň hataryna girmek mümkinçiligini gazandy.
Ýaryş 7-nji dekabrda irden bolar. Esasy sanawyň söweşleri Aşgabat wagty bilen 8:00 töweregi başlar.
Esasy sanaw:
- ·Merab Dwalişwili – Pýotr Ýan
- ·Aleksandr Pantoža – Joşua Wan
- ·Brendon Moreno – Tasuro Taira
- ·Genri Sehudo – Peýton Talbott
- ·Ýan Blahowiç – Bogdan Guskow.
