2034-nji ýylda Ýutada geçiriljek Gyşky Olimpiýa oýunlarynyň Guramaçylyk komiteti wagtlaýyn logotipi görkezdi. Bu logotip ABŞ-nyň hökümeti ünsüni 2028-nji ýylyň Olimpiýa oýunlaryndan 2034-nji ýylyň Oýunlaryna taýýarlyk görmäge doly gönükdirýänçä, 2029-njy ýyla çenli ulanylar.
Ýuta ştatynyň gubernatory Spenser Koksyň sözlerini Inside the Games neşiri getirýär:
"2034-nji ýylyň Olimpiýa oýunlary dünýäni birleşdirer, ýöne ol biziň ştatymyzy hem birleşdirer. Üns diňe şu ýere gelýän 100 ýurda däl, eýsem ştatyň 29 etrabyna hem gönükdirilendir. Bu diňe bir Solt-Leýk-Sitidäki Olimpiýa oýunlary däl, diňe bir Wasatç sebitindäki Olimpiýa oýunlary däl, eýsem bular biziň Olimpiýa oýunlarymyz. Biz hemmämiz bilelikde."
Ýaryşlar 2034-nji ýylyň 10-njy fewralyndan 26-njy fewraly aralygynda geçiriler.
Esasy geçiriljek ýerleri Solt-Leýk-Siti, Park-Siti, Ueber, Soljer Hollou we Sammit bolar.
