Google kompaniýasy Android üçin Chrome mobil brauzerinde wkladkalary berkitmek funksiýasyny synagdan geçirmäge başlady. Möhüm wkladkalary tötänleýin ýapmagy kynlaşdyrýan bu mümkinçilik, Chrome Canary-iň ilkinji synag gurluşynda eýýäm standart görnüşde elýeterlidir.
Chrome-yň durnukly wersiýasynda bu funksiýany işjeňleşdirmek üçin ulanyjylar degişli baýdagy ($chrome://flags/#android-pinned-tabs$) işjeňleşdirmeli we brauzeri täzeden başlatmaly. Şondan soň, wkladkalaryň umumy görnüşi ekranynda uzak wagtlap basylanda, açylýan menýuda Pin (“Berkitmek”) opsiýasy peýda bolar.
Wkladka berkidilende ýokarky sag burçda haç nyşanjygynyň ýerine temençe nyşanjygy peýda bolýar. Wkladkanyň üstünden gaýtadan uzak wagtlap basmak bilen, temençäni aýryp bolýar. Menýuda "Ähli wkladkalary ýap" düwmesine basmak bilen berkidilen wkladkalaryň hem aýrylýandygyny (ýapylýandygyny) bellemek gerek.
