Los-Anjelesdäki awtosalonda “Demirgazyk Amerikada ýylyň awtomobili – 2026” – NACTOY baýragynyň finalçylary yglan edildi.
Bäsleşigiň düzgünleri boýunça, üç kategoriýanyň – ýeňil awtomobiller, pikaplar we esasan, krossowerleri öz içine alýan utilitar ulag serişdeleri kategoriýalarynyň her birinde üç finalçy yglan edildi. Ahyrky sanawa Dodge, Honda, Nissan, Ford, Ram, Hyundai we Lucid brendleriniň dokuz modeli girdi.
Ýeňil awtomobiller kategoriýasynda finala Dodge Charger, täzelenen Nissan Sentra we Honda Prelude kupesi girdi.
Pikaplaryň arasynda ýeňiş üçin Ram markasynyň iki modeli – agyr 2500 we V8 hereketlendirijili kuwwatly 1500 Hemi bäsleşer. Üçünji finalçy Ford Maverick Lobo boldy.
Gysga sanaw hödürlenenden soň, Demirgazyk Amerikanyň iň gowy krossoweri adyny elektrikleşdirilen modeliň aljakdygy belli boldy. Utilitar ulag serişdeleri kategoriýasynda öňdebaryjylaryň üçlügine elektrik Lucid Gravity we Nissan Leaf, şeýle-de gibrid Hyundai Palisade girdi.
NACTOY baýragynyň eminleri ABŞ-nyň we Kanadanyň awtomobil žurnalistlerinden ybarat. Bäsleşigiň jemi 14-nji ýanwarda Detroýtdaky awtosalonda yglan ediler. Mundan bäş gün öň bolsa Ýewropada iň gowusy hökmünde diňe bir modeli saýlaýan şeýle bäsleşigiň ýeňijisi belli bolar.
