Ford kompaniýasy Focus modelini öndürmegi bes etdi. Hetçbegiň dördünji nesliniň ömür kerweni tamamlandy: iň soňky awtoulag Germaniýanyň Zarlui şäherindäki zawodynda önümçilik konweýerinden düşdi. Focus-yň ST sport wersiýasyny ýygnamaklyk hem güýzde şol ýerde tamamlanypdy.
Autocar-yň belleýşi ýaly, kompaniýa önümçiligiň bes edilýändigi barada resmi beýanat bermändi, ýöne zawodyň işgärleri sosial torlarda gynanç bilen ulagy çykarmaklygyň bes edilendigini habar berdiler. Zawodyň geljegi näbelli görünýär: ol ýerde indi awtoulag öndürilmeýär, zawoda bolsa entek täze alyjy tapylmady.
Ford-uň Focus-dan ýüz öwürmek meýilnamasynyň bardygy eýýäm 2022-nji ýylda mälim bolupdy. Şol wagt kompaniýa öz modelleriniň elektrikleşdirilmegine we has girdejili ugurlara — esasan-da krossowerlere üns berýändigini yglan etdi. Mundan öň, 2023-nji ýylda kompaniýa başga bir meşhur model bolan Ford Fiesta-nyň önümçiligini hem bes edipdi.
Focus-yň mirasdüşeri 2027-nji ýylda çykar diýlip garaşylýar. Deslapky maglumatlara görä, ol iki görnüşde: gibrid hereketlendirijili we doly elektrik hereketlendirijili bolar.
1998-nji ýylda öndürilip başlanaly bäri, dünýäde 12 milliondan gowrak Ford Focus awtoulagy satyldy.
