“Çelsiniň” we Angliýanyň milli ýygyndysynyň futbolçysy Koul Palmer ýene hatardan çykdy – ol öýünde gije çep aýagyny gapa urup, külbikesini döwdürdi diýip, Bi-bi-si habar berýär.
Ýarymgoragçy ýaňy-ýakynda gasyk nogsanlygy sebäpli iki aýdan soň diýen ýaly dikelip, türgenleşiklere gaýdyp gelipdi. Indi täze bolup geçen waka hem oňa meýdança çykmaga päsgel berýär.
Palmer London klubunyň şenbe güni “Býornli” bilen duşuşygyny sypdyrdy, şeýle hem ol Çempionlar ligasynda “Barselona” bilen oýna we indiki hepde “Arsenal” bilen oýna gatnaşyp bilmez.
“Gynansak-da, Palmeriň öýünde tötänleýin waka bolup geçdi. Düýpli zat ýok, ýöne ol indiki hepde hatarda bolmaz” – diýip, “Çlesiniň” baş tälimçisi Enso Mareska aýtdy.
Häzirki möwsümde Palmer diňe dört oýna gatnaşyp bildi we iki gol geçirdi. Ol Angliýanyň milli ýygyndysynyň düzüminde 2024-nji ýylyň Ýewropa çempionatynyň kümüş medalynyň eýesidir.
