Samsung kompaniýasy Galaxy enjamlary – smartfonlar, planşetler we noutbuklar üçin simsiz “akylly” klawiaturany çykardy. Samsung Smart Keyboard aýratyn sanly blogy bolmadyk we birikmek üçin Bluetooth ulanýan ykjam QWERTY klawiaturasydyr.
Klawiaturanyň esasy aýratynlygy ugur görkezijilerden çepde ýerleşýän AI Short Key düwmesi boldy. Onuň kömegi bilen intellektual kömekçileri derrew işe girizip bolýar: mysal üçin, smartfonda we planşetde Gemini ýa-da Bixby kömekçilerini, noutbukda bolsa Copilot-y. Samsung-yň habarynda bu düwmäniň enjamy dolandyrmaga we bir gezek basmak arkaly EA kömekçilerini çagyrmaga mümkinçilik berýändigi bellenilýär.
Klawiatura ýörite düwme arkaly bir enjamdan beýlekisine çalt geçmek mümkinçiligi bilen bir wagtda üç enjama birigip bilýär. Şeýle-de, programmalary işe girizmek üçin sazlap bolýan düwmeler we Samsung DeX-i işe girizmek üçin aýratyn klawişa göz öňünde tutuldy.
Smart Keyboard akkumulýatoryň deregine CR2032 batareýasyny ulanýar. Samsung onuň köp wagta ýetýändigini nygtaýar, ýöne bu barada takyk maglumat bermeýär. Klawiaturanyň bölek satuw bahasy 109 dollar.
