Hyundai General Motors bilen hyzmatdaşlykda täze orta ululykdaky pikap awtoulagyny işläp taýýarlaýandygyny resmi taýdan tassyklady. Bu barada kompaniýanyň Awstraliýa bölüminiň başlygy Don Romano mälim etdi.
Bu model ilkinji gezek 2028-nji ýylda Günorta Amerikada görkeziler we Demirgazyk Amerika üçin niýetlenen wersiýasy bolsa 2030-njy ýylda geçijiligi ýokary wnedorožnik bilen bilelikde görkeziler.
Romano kompaniýanyň bar bolan platformany ulanyp, "diňe nyşany ýelmemek" bilen oňmak islemeýändigini nygtady. Pikabyň dizaýny eýýäm tassyklandy.
"Bu kepillendirilen. Ine, senesi, ine, awtoulag, ine-de, häsiýetli aýratynlyklary. Meýilleşdiren zatlarymyzyň hemmesini durmuşa geçirsek, netije hakykatdanam aňyňyza zarba urar, ajaýyp bolar" –diýip, top-menejer gürrüň berdi.
Şeýle hem, ol güýç gurluşynyň adaty bir zat däldigini aýtdy: "Bu häki bir geçirilýän gibrid däl, bu gibridiň başga bir görnüşi bolar, ine, bar aýdyp biljek zatlarym."
Bilermenleriň çaklamasyna görä, gürrüň EREV (ýöreýiş ätiýaçlygy köpeldilen elektrik ulagy) ulgamy hakynda barýan bolmagy mümkin, bu ýerde içinden ýandyrylýan hereketlendiriji ulagy gönüden-göni sürmek üçin däl-de, diňe elektrik öndürmek üçin ulanylýar.
Täze pikap Kia Tasman-yňka meňzeş göwrümli çarçuwaly platformany ulanar. Model Toyota Hilux, Isuzu D-Max, Nissan Navara, Mitsubishi Triton, Ford Ranger, Chevrolet Colorado, Toyota Tacoma, Nissan Frontier we VW Amarok bilen bäsleşmäge gönükdirilendir. Segment mazmuna baý, ýöne Hyundai öz mümkinçiliklerine ynamly.
