Iňlis dilini öwrenýänler, çagalaryna iňlis dilini öwretmek isleýänler üçin Lexicon platformasynyň Android üçin mobil goşundysy - Google Playda elýeterli boldy.
Ykjam goşundyny Android ulgamy üçin şu ýerden ýükläp bilersiňiz. Ykjam goşundy iňlis dilini başlangyçdan başlap, orta ýa-da ýokary derejelerdäki ähli öwrenýänler üçin peýdalydyr. Lexicon esasan çagalar üçin niýetlenip, onda interaktiw sapaklar, ses arkaly düşündirmek we oýun görnüşinde quizler-synaglar bar.
Türkmenistanyň iňlis dili dersi boýunça 1-7-nji synplar üçin niýetlenen kitaplarynda bar bolan ähli sapaklar bu mobil goşundyda hem elýeterli. Çagalaryň mekdepde geçýän iňlis dili sapaklaryny has hem berkitmekleri, sapakdan daşary öýde hem gowy taýýarlanmaklary üçin kitapdaky ähli maglumatlar gyzykly görnüşde ýetirilýär.
Mobil goşundynyň Türkmenistandaky ähli okuwçylara elýeterli bolmagy üçin, programmada mugt tanyşdyryş sapaklary bar. Premium hasabynda 5,000-den köp sözleri öwrenmek üçin, häzirki wagtda 300-e golaý dürli görnüşli sapaklar bar. Lexicon Premium hasabyny açmagyň 3 aý tölegi - 18 manat bolup, tölegleri Altyn asyr kartlary, Rysgal bank kartlary arkaly onlaýn töläp bolýar.
Android telefonlara ýüklemek üçin şu ýere basyň.
