Coca-Cola emeli aňyň kömegi bilen döredilen täze Roždestwo mahabaty çykandan soň, ýene-de üns merkezine düşdi. Bu brendiň adaty animatorlaryň ýerine neýroulgamy ulanmaga eden ikinji synanyşygydyr we kompaniýa ýene-de tankyt astyna alyndy.
Geçen ýyl tutuşlygyna EA tarapyndan döredilen rolikde şäheriň içi bilen geçip barýan meşhur gyzyl Coca-Cola awtoulagyny adamlaryň we haýwanlaryň şowhunly garaýyşlary bilen ugradyşlary görkezilýärdi. Täze ýordum 1995-nji ýylyň nusgawy mahabatyny dowam etdirýär: ýük ulagy erteki şäheriniň garly köçelerinden gidip barýar, ýöne bu gezek tomaşaçylary antropomorf haýwanlar bilen çalşypdyrlar we Santa-Klaus diňe roligiň ahyrynda peýda bolýar.
The Verge neşiri wideony "göze düşen gül" diýip atlandyrdy we animator suratkeşleri işe almakdan boýun gaçyrandygy sebäpli kompaniýanyň önümlerinden ýüz öwürmäge çagyrdy.
Coca-Cola-nyň emeli aňly taslamalara jogap berýän wekili Pratik Takar The Hollywood Reporter gazetine beren interwýusynda bu taslamany gorap çykyş etdi. Ol geçen ýylky rolik "ýerine ýetirilişiniň hili" sebäpli tankyt edildi, ýöne bu ýyl EA öňküden "on esse gowy" döretdi diýip hasaplaýar.
"Tankyt etjek adamlar hemişe tapylar, hemmäniň 100% göwnünden turup bilmeris. Ýöne sarp edijileriň agramly bölegi muny oňyn kabul etse, öňe gidibermeli ... Bu pudakda käbirlerine 100% EA-nyň öndürýän filmini ulananymyz ýaramady, ýöne bu öňdebaryjy bolmagyň bir bölegi. Biz bu ynjalyksyzlyga düşünýäris. Ýöne öňe gitmeli we mümkinçiligimiziň çäklerini giňeltmeli" – diýip, Takar belledi.
