PFL (Professional Fighters League) söweş promouşeni Gran-pri formatynda ýaryş geçirmekden ýüz öwrer. Bu barada liganyň baş direktory Jon Martin habar berdi.
Gurama ulgamy has ýönekeý we düşnükli etmek isleýär.
“Men ähli zady ýönekeýleşdirmegi teklip etdim, çünki biziň söweşijilerimiz gowy. Biz çylşyrymlaşdyrmazdan dünýä derejesindäki wakalary gurnap bilýäris. Sportuň söweş görnüşlerinde bellibir ýagdaýlarda dürli formatlaryň ulanylmagynyň sebäbi bar. Ýöne ülňülere laýyk bolmagyň wagty geldi” – diýip, Martin belledi.
Sentýabrda PFL düzgünleriň üýtgedilýändigini yglan etdi. Indi liganyň çempionlary öz titullaryny Gran-priniň ýeňijilerine bermän, olary adaty söweşlerde goramaly bolar.
Ýatlap geçsek, promouşeniň çäklerinde türkmen pälwany Döwletjan Ýagşymyradow hem çykyş edýär. 2024-nji ýylyň noýabrynda ol ýarym agyr agramda PFL Season Championships ýaryşynyň Gran-prisiniň ýeňijisi boldy. Döwletjan finalda Impa Kasanganaýdan üstün çykdy. 2025-nji ýylyň oktýabrynda PFL Champions Series 3 ýaryşynda türkmen pälwany PFL-iň erkin çempion tituly üçin söweşde amerikaly Kori Andersondan ýeňildi.
